之前都有同dora講,如果夾啱時間,就帶so ball出去同佢玩. 趁住今次復活節放假,我約咗佢去珀麗灣玩下,咁啱小曲媽放學校假,我地一行5人2狗,就响嗰度玩咗個下午.

我地約咗1點响碼頭等,搭咗1點半ge船入去. 由於係平日,加上天色麻麻地(今朝幾驚去唔成!),入去ge人唔多. 但兩個小朋友上船要戴口罩就點都有少少唔開心ga啦...

同上次一樣,一入到去第一件事就係醫好我地個五臟廟先,而so ball就話,嘩,我個咀終於放監啦,yeah!!

我地揀咗張枱坐低,然而分兩批去買嘢食,而小朋友就當然要等下啦...

so ball好開心呀!!

我地食完就向長廊進發,然後就放得繩. so ball同小曲就可以盡情咁跑跑跑:

見到兩個小朋友warm up咗,我地呢兩個無聊主人就試下比佢地玩下孖拖,玩到我地死. 最初一人行一邊,真係好攪嘢,而大部分時間都係so ball扯住小曲行,因為so ball好驚,成日想嚟搵我:

so ball: "咦,你都唔係我個老婆叮喎... 點解我會同你拖住行ge???"

小曲: "我夠唔知點解啦,但呢位先生,麻煩你可唔可以唔好扯住我行呀... 你好大力呀!!!"

始終兩位小朋友都係貌合神離,雖然so ball都係睇住小曲大,但睇怕都係有緣無份...

趁佢地玩攰咗,我地就乘機影番幾張相:

玩多一陣,佢地終於都協調到少少啦:

個天黑得好快,so ball同小曲都嚟個最後衝刺:

臨走比我地見到一隻啱啱一歲ge金毛,so ball想同人地玩,但係又鬼咁惡死:

小曲玩一陣,又休息一陣,見佢成日攤响張櫈度,其實佢跑起上嚟都幾堅:

天黑啦,小朋友,我地返屋企啦,又係時候戴口罩,即刻死晒狗:

跑咗一個下午,返到屋企緊係嚟個大覺瞓啦: